بالفيديو.. فيفيان مجدي تروي قصة استشهاد خطيبها مايكل تحت عجلات مدرعة ” خد كل حاجة حلوة معاه ومشي”

• فيفيان : كان ماسك ايدي فجأة بابص ورايا ملقيتوش .. ولقيت دبابة وخداه في سكتها
• العساكر اتلموا علينا يضربوا فينا وشتموني.. وحسيت انه بيقولي حقي يا فيفيان

روت فيفيان مجدي خطيبة الشهيد مايكل مسعد في برنامج مانشيت كيف تم قتل مايكل مشيرة إلى انه أصر على النزول في هذا اليوم وأنها نزلت معه وكان كل الناس يباركون لهما .. وأشارت فيفيان في لقاء لها مع الزميل جابر القرموطي إلى أنهم عندما وصلوا ماسبيرو شاهدوا إطلاق نار و انها طلبت منه ان يرحلوا لكنه قال يعني هنسيبهم كده وقال كيف نترك الناس واتصل ببنت خالته ومامته وقال لهم أنا هاستشهد النهاردة قعدت أتريق عليه وأهرج .. وأضافت عندما زاد الضرب وسمعنا طلقات ولقينا الناس وقعت ولقينا دبابة بتمشي بشكل همجي قال يللا أنا خايف عليكي .. لقيت الدبابة راجعة بتمشي زجزاج قل يللا ومسك ايدي وفجأة بأبص ورايا ملقيتوش ولقيتها وخداه في سكتها ولقيته اترمى جنبي وفيه كسر في دماغه وبعد كده العساكر اتلموا عليه وقعدوا يضربوا فيه وهو مصاب و بعد شوية جه عسكري لابس طاقية حمرا وقعد يضرب فيا وشتمني شتيمة مقدرش اقولها .. وبعد كده قلت حرام عليك دا قطع النفس ورميت نفسي عليه قال لي يا كافرة إيه اللي جابك هنا قلت له كافرة كافرة بس انقذه.. والعساكر بيضربوا فيا وجه عسكري وقال لهم سيبوه دا مات وبعدين شالوه ورلفوا رجله عشان متقعش .. وحطيته في عربية بقيت حاسة انه بيقولي حقي يا فيفيان وبقيت اقول دا مات يقولوا لسه .. ونقلوني المستشفى قعدت جنبه ربع ساعة من غير ما حد يقولي مات ولا لأ .. قلعته الدبلة وخد كل حاجة حلوة معاه ومشي.