انام ساعتين واصحى اكتشف ان زكريا عزمى طلع من السجن يعنى على كده حسنى مبارك ممكن على الجمعه الجايه يرجع رئيس جمهورية

المصدر : شبكة المشاكس الاخبارية

• 2200 شخص ينضمون لثورة الغضب الثانية بعد نصف ساعة من الإفراج عن عزمي.. وناشط: “ثورة 27 مايو ستبدأ قبل موعدها بأسبوع”
• ناشطة: “من ساعة ما أمي سمعت الخبر وهي بتقول يا خسارة الشباب إلي زي الورد إللي راح وعيطت عليهم”
• عاجل: اعتقال المدعوة “أم ترتر” بتهمة افساد الحياة السياسية في مصر خلال ال30 سنة الماضية وتزوير الإنتخابات وقتل المتظاهرين
• “بيقولك مرة المصريين عملوا ثورة…بعد كده طلع انها إشاعة”.. و”كلها كام يوم والأهرام يوصف ثورة يناير بإنتفاضة الحرامية”
• “الفلوس طلعت أهم من الشهداء.. عواد باع أرضو يا ولاد”.. و”أخر نكتة: ” بكرة صفوت الشريف يخرج و يمسك دار الإفتاء”
• “لما زكريا عزمي يطلع من السجن والنيابة العسكرية تحبس 119 متظاهر أمام السفارة الإسرائيلية ده يعرفني من يقود الثورة المضادة. . . أنا”

كتب- باسل باشا:

أدى قرار الافراج عن زكريا عزمي إلى إشعال الغضب على موقعي الفيس بوك وتويتر, وقالت إحدى الناشطات: “من ساعة ما أمي سمعت خبر الإفراج عن زكريا عزمي وهي عمالة تقول يا خسارة الشباب إلي زي الورد إلي راح وعيطت عليهم”
وتزايدت الدعوات إلى المشاركة في الثورة المصرية الثانية المقررة في 27 مايو, ودعا نشطاء إلى تقديم موعد الثورة أسبوعا والتظاهر يوم الجمعة المقبلة, وقال أحد النشطاء ساخرا “سوزان وزكريا فى يوم واحد وقبلهم سرور ومرتضي وبكرا عز .. ع الجمعة مبارك هيرجع رئيس”.
وبعد أقل من نصف ساعة من الإفراج عن عزمي, أعلن أكثر من 2200 ناشط على الفيس بوك تأييدهم لثورة الغضب الثانية وذلك في إستفتاء نشر على الموقع الإجتماعي تحت عنوان “في مصر (بعد إخلاء سبيل زكريا عزمي) الشعبُ يُريد ثورة من جديد”, في المقابل رفض مايقرب من 250 شخصا المشاركة في ثورات جديدة.
ورصدت البديل العشرات من التعليقات الساخرة والغاضبة من قرار الإفراج عن عزمي على موقع الفيس بوك وتويتر:

كدا اشطه باللوزّ مدام سوزى وسرور وزكريا طلعوا حققواّ بقىّ مع 85 مليون مصرى باتهام الكسبٌ المشروعّ!!!!!!!!!!!!؟؟

الفلوس طلعت أهم من الشهداء.. عواد باع أرضو يا ولااد هى الكوسة بكم النهاردة

بنطالب المجلس العسكري بالإفراج عن المعتقلين السياسيين بيخرج السياسيين المعتقلين | تعليقات نشطاء

ناشط مغربى: ثورتكم تسرق , تحركوا. ماذا تنتظرون.أنا مغربي و كدت أفقد صوابي بعد الافراج المتتالي على الفاسدين

للمره التاليه مينفعش بأى شكل نستنى لحد 27 مايو

اللى هيتم الافراج عنهم من طرة تمهيدا لرجوعهم الحياة السياسية فى مصر هما الحرس القديم فقط ودة يفسر لية حبيب العادلى كبش فدا هو وعز

إخلاءات السبيل للحرامية عمالة ترخ وأخبار التصديق على الأحكام للثور متهيئلي آن أوان المواجهة الكروهة

نخسر ايه اكتر مخسرنا هنروح التحرير ونشيل اى حاجه فوق ارادت الشعب

سمعتوا أخر نكتة؟!!!!.. مرة واحد زكريا عزمي سرق فلوسنا ودفعها كفالة وخرج عادي

بيقولك مرة المصريين عملوا ثورة…بعد كده طلع انها إشاعة

لازم رد حاسم وسريع، 10 أيام كتير قوي، ولازم ننزل الجمعة الجاية حتى لو مش مليونية

هلا هنأتم اخيكم زكريا عزمي الليلة اخرج بكفالة

كلها كم يوم والأهرام يبدأ يوصف ثورة يناير بإنتفاضة الحرامية

شرم الشيخ دولة مستقلة، المصريين مش بيدخلوا من غير تأشيرة، ومش ماضية على اتفاقية تبادل مجرمين مع مصر

يتم الآن إعداد قانون مصالحة يتيح للنظام إبرام اتفاقات مصالحة مع رجال الأعمال المختلسين على غرار ما حدث مع سوزان–مسيرهم كلهم يخرجوا

ثورة 27 مايو ستبدأ قبلها بأسبوع.. معادنا في التحرير الجمعة الجاية.. دمنا مش هيضيع ولو محتاجين شهدا تاني إحنا جاهزين

أحسن إعلان فعلا..شيبسي ماكس بطعم الشطة الحراقة.. 85 مليون مصري عمالة “تحرقهم” ……الشطة

وعرفنا سيد الرجالة عرفنا عين الاعيان من برة شهامة واصالة تشوفه تقول اعظم انسان.. انما من جوة يا عيني عليه، بياع ويبيع حتى والديه

هتشوفوا بكرة صفوت الشريف يخرج و يمسك دار الإفتاء

بعد خروج ذكريا عزمى انا بتوقع يعينو احمد سبايدر وزير لشباب فى التغيير الوزارى المتوقع

لما زكريا عزمي يطلع من السجن والنيابة العسكرية تحبس 119 متظاهر اما السفارة الإسرائلية ده يعرفني من يقود الثورة المضادة. . . أنا

الكل يخرج بكفالة ؟؟ هي الثورة اندلعت حتى يدفع المجرمون كفالة ويطلع الجميع براءة ؟؟ سحقا للثائرين اذن ,,ليعودوا الى المعتقلات جميعهم

عرفت عرفت عرفتتتتتتتتتتتتتت ان زكريا خرج بعد فتحي سرور وقبله مرتضى منصور وسوزان مبارك ومستنيين مبارك يرشح نفسه في انتخابات الرئاسة

عاجل: اعتقال المدعوة “أم ترتر” بتهمة افساد الحياة السياسية في مصر خلال ال30 سنة الماضية وتزوير الإنتخابات وقتل المتظاهرين

أنا مفشوخ جدا. مهرجان البراءة للجميع.. شكرا يا عم

نشاهد الآن وصلة عالية الفن من نوعية العفو عند المقدرة.. وكله يروح بيته ويرمى قرشين للنيابة

بيخلوا سبيل الحرامية وبيحاكموا شباب الثورة

انام ساعتين واصحى اكتشف ان زكريا عزمى طلع من السجن يعنى على كده حسنى مبارك ممكن على الجمعه الجايه يرجع رئيس جمهورية

طبعا الاخوان مع المجلس.. الطبخة كبيرة والبرلمان ف انتظارنا.. دول حطو بند التصالح ورد الاموال فى ورقتهم الجديدة للحوار مع الاحزاب

يوم 27 لازم تكون فية ثورة جديدة فعلا لااااااااااااااااازم