- وماحذرتش ليه من الإفلاس لما مبارك باع الأراضي والقطاع العام والغاز بتراب الفلوس وأعفى المليارديرات من نص الضرايب .. و” كمان شركة محمول ببلاش”
- ساويرس : بعد الديمقراطية التي طالبت بها أمريكا حصلنا على مليار واحد نشكركم .. وناشط يرد : أنت بتشحت باسمنا
- ساويرس : استيقظوا يا مصريين اعملوا بلا انقطاع وأوقفوا الاعتصامات .. وناشط : ابتدي أنت وروح عند ماسبيرو وقول للمعتصمين هناك يروحوا
- ساويرس : مصر تتجه بخطوات متسارعة نحو إفلاس قريب .. وناشط : في حد قاللي انه باع شركة بـ 7 مليار جنيه ومادفعش عنها مليم ضرايب
- تعليق : قطع الاتصالات عن أشخاص يتم قتلهم مثل الكلاب في الشوارع .. خيانة عظمى
كتبت – نور خالد :
لا يتوقف رجل الأعمال نجيب ساويرس عن إثارة الجدل عبر حسابه على تويتر .. جاءت تويتات ساويرس الأخيرة لتثير لكثير من الجدل والهجوم ضده لتتهمه بمشاركة لمجلس العسكري في حملة الرعب ضد المصريين أو الشحاتة على البلد ففي آخر 3 تويتات له .. قال ساويرس معلقا على خطاب أوباما: أنفقت أمريكا أكثر من ٢٠٠ مليار في العراق ونحن نحصل على مليار واحد فقط معونة بعد الحصول على الديمقراطية التي طالما طالبوا بها! نشكركم .. وهو ما اعتبره المعلقون على حسابه نوع من الشحاته وطالبوه كرجل أعمال القيام بدوره .. فيما جاء أخر تصريحين له عبر حسابه ليثير موجة من الهجوم العنيف ضده .. وقال ساويرس في الأول ” استيقظوا يا مصريين اعملوا بلا انقطاع اتفقوا على وقف الاعتصامات والمسيرات حتى الانتخابات القادمة ” .. فيما حذر في الثاني من أن مصر تقترب من الإفلاس قائلا ” أحيانا تكون المعرفة والخبرة لعنة ليس لدي أي شك في أن مصر تتجه بخطوات متسارعة نحو إفلاس قريب” وهو ما فتح الباب لتيار كاسح من الهجوم ضده ليسأله المعلقون أين كان وقت حملات النهب التي حدثت ولماذا صمت عليها وحجم استفادته منها كما حملوه مسئولية قتل المتظاهرين بالمشاركة في قطع خدمة الانترنت عن المواطنين والصمت عليها . فماذا قال متابعي حساب ساويرس ردا عليه
- طيب وأنت أنفقت كام واستفدت كام؟؟
- يا نجيب بيه عيب راجل ليبرالي زيك يشارك العسكر في حملة إثارة الفزع لإسكات الناس والسيطرة عليهم بسلطان الخوف
- أغنياء بيتفرجوا ع الفقراء ويقولوا اللهم زدنا وزدهم
- بالصلاة ع النبي كده ماحد يعملنا هاشتاج على ساويرس عشان ناخد حريتنا بس
- بيتهيألي يا نجيب بيه لو فضلت ساكت كان أحسن لك
- وماحذرتش ليه من الإفلاس لما مبارك باع الأراضي والقطاع العام والغاز بتراب الفلوس وأعفى المليارديرات من نص الضرايب؟
- اعملوا بلا انقطاع يا عبيد حتى أفوز انتخابات مجلس الشعب القادمة
- قطع الاتصالات عن أشخاص يتم قتلهم مثل الكلاب في الشوارع .. خيانة عظمى
- أنت بتشحت باسمنا مثلا؟ طيب ما تتبرع أنت ولا ممعكش فلوس؟
- الثورة دي كشفت أشخاص كتير وكل واحد عايز مصلحة شخصية ولو ممن خلال حزبه أو جريدته أو بلطجيته
- تصدق أنت مستفز.. في ناس لحد دلوقتي لسه ف نفس المناصب وبتقبض ملايين والتانيين لسه بيقبضوا ملاليم
- تدهور الاقتصاد مشكلة من يدير شئون البلاد ولا يعرف كيف يستفيد من المسيرات التي تشير إلى الفساد والمظالم
- روح الريف ادعموا مشروعات صغيرة وعولموا منتجاتها علشان نعمل اقتصاد بجد بدل مشروعات الاستثمار العقاري اللي عملت إقطاع جديد
- وبالنسبة للأراضي عملية تقلص الأراضي وبطء خطوات مشروع فاروق الباز إيه سببها
- الأزمة سببها انفلات أمني + حظر تجول يعيق النقل والسياحة+ حكم عسكري يخيف المستثمرين + سوء إدارة لملف الأراضي
- صحيح هو الكلام ده ينفي طلب تعويض عند حدوث ضرر رغم مراعاته القوانين؟
- وأضيف انع عنصري جدا وشركاته خير مثال للمحسوبية
- ابتدي وروح عند ماسبيرو وقول للمعتصمين هناك يروحوا مفيش غيرهم معتصم الباقي مظاهرات الجمعة ف يوم أجازة مش بتعطل حاجة صح؟
- قولوا يخاف هو من الإفلاس لأني أمبارح أنا ومجموعة من أصحابي سيبنا موبينيل وبندعوا الناس لكدا
- احنا موقفين المظاهرات من فترة كل ما بنوقف شوية الحشرات والفيران بتطلع من جحورها
- مصادر الدخل هي هي مانقصتشي غير السياحة والسياحة انضربت ميت مرة قبل كده مفلسناش ليه؟
- هتقولي لمين هيعملوا مش هنا طبعا بس مسيرنا نفوق لهم
- الامتيازات اللي حصل عليها أمثالك في عهد المخلوع أرباح بلا حدود وأجور وضرائب رمزية
- بتفكروني بالشحات اللي لما ماتدلوش فلوس يشتمك ويشتكي للشحات اللي جنبه والاثنين يهزوا راسهم مستغربين.. الشحاتة مش حق
- نجيب ساويرس ويحي الجمل احب اقولكم النمرة غلط
- لا تخف علينا من الإفلاس خليك ف حالك
- نجيب ف لجنة الحكماء كان بيلعب ع الطرفين واللي يكسب هو معاه مبيزعلشي حد رجل أعمال
- الرأسماليين يطالبوا بالاستقرار اللي بيمثل مصلحتهم الخاصة ويولع العامل والمهندس والطبيب اللي مرتبه أقل من ٤٠٠ جنيه
- في حد قاللي انه باع شركة بـ 7 مليار جنيه من خلال البورصة ومدفعشي عنها مليم ضرايب
- قاللك ساعات العلم بيزعل، ده على أساس انك تعلم حاجة
- أعلى نسبة ضريبة من مستثمر حصلت كانت ٩٪ واحنا بندفع ٢٠٪ كاملة.. فين فلوسنا؟
- ما يتبرع بمليار من ملياراته لدعم مصر ولا هو فالح ف الكلام وتسخين المسيحيين وبس
- العمل مطلوب والتظاهر مطلوب وكل شيء بالعقل وبلاش لهجة التخوين
- اهدى ومتخفشي فلوسك مش هاتخلص ممكن تسلف مصر لو هتفلس يا وطني، حقوق العمال والمدرسين والموظفين والدكاترة والمهندسين أهم منك
- كف يدك أنت واللي زيك عن مصر وهتبقى من أغنى الدول في العالم وهتشحت أمريكا
- أكره هذا الأسلوب القذر في إرهاب الناس، فلتفلس مصر ولترحل أنت وغيرك من المليارديرات لنبنيها من الصفر
- أنت كمستثمر تعلم جيدا ان المستثمرين خايفين من الوضع الأمني والقرارات الحكومية محدش خايف من المظاهرات
- نجيب ساويرس تخيل انه هو وحزبه يستطيع أن يكسب ثقة الشعب وفي نفس الوقت يعقد صفقات مع المجلس العسكري
- افلاس من أي اتجاه بالظبط مستر نجيب؟
- ده غير شركة المحمول نفسها كادووووو
- أنت حتة تاجر شاطر انما تعملي خبير اقتصادي هتزعل جامد عاملي ثورجي ياكش تكون نسيت كنت عامل ايه مع شفيق قبل ما ياكلوا الأسواني
- الشعب يريد تكملة المشوار مع الجيش أو بدونه الأفضل مع الجيش ولو لزم الأمر بدونه
ليست هناك تعليقات:
إرسال تعليق
لادراج تعليق :-
اختر " الاسم/عنوان url " من امام خانة التعليق بأسم ثم اكتب اسمك ثم استمرار ثم التعليق وسيتم نشرة مباشرة