"مصر بنت محجبة لابسة صليب".. دعوة جديدة على الفيس بوك!!

المصدر : شبكة المشاكس الاخباريةمحيط - محمد يونس

	مصر محجبة لابسة صليب

على غرار صفحات " مصريون ضد الفتنة " و " حملة المصريون لاخماد نار الفتنة " و " مسلم ومسيحي معا ضد الارهاب " و " مصري مسلم ومسيحي " و " انا مش بلطجي ولا امن دولة ( مصري ضد الفتنة و التخريب ) و " الشعب يريد اسقاط الجهل و التخلف "..

ظهرت على شبكة التواصل الاجتماعي " فيس بوك" صفحة جديدة تسمى " مصر بنت محجبة لابسة صليب " في دعوة جديدة لنبذ العنف و الفتنة الطائفية بين المسلمين و المسيحيين خاصة بعد الاحداث الدموية الاخيرة بكنيسة مارمينا بامبابة وسقوط العشرات من الضحايا .

وتتضح اهداف الصفحة او رسالتها من اسمها و الذي تدعو من خلاله الى راب الفتنة الطائفية وتهدئة الاجواء و الدعوة الى التمسك بحبل الوحدة الوطنية ، بالاضافة الى عرض اخر الاخبار حول مايدور من احداث و تطورات للمواقف على الصعيد المحلي او الديني مثل مسيرات الاقباط واعتصامهم و مؤتمرات نبذ العنف و التطرف و تصريحات اهم المسئولين في الدولة بشان الاحداث الاخيرة .

وبالطبع لا يمكن اغفال اهم التعليقات من جانب مستخدمي موقع التواصل الاجتماعي " فيس بوك " و التي جاءت كرد فعل على الفتنة التي دارت مؤخرا :

احمد حماده : فى ناس من مصلحتها اشعال الفتنه فى مصر .. وامريكا واسرائيل عاوزين احتلال مصر .. وده مخطط من زمان ويجرى التحضير له حاليا و مع الاسف بايدى ابناء مصر ..

ابو الوفا اسلام : ياجماعة ياريت كلنا ندعى ربنا ان المنظر البشع ده ما يتكررش تانى فى بلدنا الحبيب ونرجع من تانى بلد الامن والامان ونعلم كل شعوب الارض يعنى ايه معنى الوحدة الوطنية زى ما اجددانا الفراعنة علموهم معنى الحضارة زمان .

	وحدة وطنية مصحف مع صليب

محمد مقلد : يا ايها المسلم والمسيحى شكلو قيادتكم على نضال السلام ويا ايتها الام المسيحية والمسلمة ويا ايتها الزوجة المترملة ويا ايها الابن الذى فقد الاخ والاب يا كل ضحايا الفتنة الطائفية فى مصر املائو الارض والفضاء بجمال السلام في الصدور والقلوب

Mervat Esmat :
موتو بغيظكم يا اعداء مصر فلم ولن تنالو من مصر ولن تقم لكم قائمة في بلدنا الحبيبة فنحن مسلمين ومسيحيين ولدنا علي ارض مصر وسنحميها بروحنا ودماءنا فلتذهبو الي الجحيم سواء كنتم سلفيين متطرفين ام بلطجية ام اذرع الحزب الخائن ام كنت مبارك الغير مبارك ام اسرائيل فلتكن من تكون فمصر مذكورة في القران والله حافظها من فوق سبع سماوات والمصريين المخلصون سيدافعون عنها بدماءهم ولن تضيع ارواح شهدائنا الابرار سدي ابدا حفظ الله مصر وارض ..
Mido Midomidomid:
مصريين مسلمين و مسيحيين كلنا فى مركب واحد لو غرق فى البحر لن يسأل الموت عن الديانة او العقيدة...حافظوا على مصر .

Taha Mohamed :
بعد 100 يوم من الثورة بفكر , يا رتنى كنت مت شهيد فى الثورة عشان ارتاح من الجهل والتخلف اللى عايشين فية دا .

Manal Abdeldayem
والله العظيم مصر لو ضاعت حنضيع كلنا معاها مسيحين ومسلمين مصر بتجمعنا كلنا مبتسالش مين مسيحي ومين مسلم والثووره جمعتنا كلنا ووصلنا لبدايه جديده عشان ربنا خلينا كلنا نعدي الازمه دي مسيحي ومسلم
Bishoy nagi : ليه العنف و التطرف دا كلو ؟!! واشمعنا الكلام دا كلو ظهر بعد رحيل مبارك ؟!! ..
كرستين نبيل : انا شايفة ان فيه همجية لا توصف .. ياريت كلنا نكون ايد واحدة مسلم مع مسيحي .