فيفي عبده‮: ‬البلد كانت مهلبية ع الآخر‮!‬

فيفي عبده فجر الثلاثاء تلقيت مكالمة هاتفية من الفنانة فيفي عبده،‮ ‬في نفس ليلة خروجها من المستشفي الذي كانت تتلقي فيه علاجا لمدة اسبوعين،‮ ‬بعد أن فاجأها نزيف حاد بالمعدة،‮ ‬وبدي علي فيفي الانزعاج الشديد،‮ ‬والرغبة في الحديث والتعليق علي ما مر بالبلاد من أحداث‮.‬ أولا‮: »‬لازم اقدم العزاء لكل اسر الشباب اللي استشهدوا،‮ ‬عيال زي الفل،‮ ‬طلعوا‮ ‬يعبروا عن رأيهم‮ ‬يقوموا‮ ‬يضربوا عليهم النار؟ والله أنا مش مصدقة اللي حصل،‮ ‬في الدنيا كلها الناس بتخرج في مظاهرات وماحدش بيتعرضلها طالما ماشيين في حالهم وبطريقة سلمية،‮ ‬وألوم علي التليفزيون المصري طريقته المستفزة في عرض الأحداث،‮ ‬مش معقول تكون الدنيا مقلوبة في ميدان التحرير وكل محافظات مصر والتليفزيون بتاعنا‮ ‬يقول مفيش حاجة خالص وكله تمام التمام،‮ ‬واللي حز في نفسي كمان ان فيه ناس الواحد كان فاكرها محترمة،‮ ‬وطلعوا حرامية وفاسدين،‮ ‬البلد لازم تنضف بقي،‮ ‬والشباب من حقهم‮ ‬يختاروا مستقبلهم،‮ ‬وبعدين ده فيهم عيال ولاد ناس خالص ومن عائلات‮ ‬غنية،‮ ‬بس طلعوا في مظاهرات عشان‮ ‬يصلحوا حال البلد،‮ ‬ما هو الناس بصراحة خلاص زهقت من الفساد،‮ ‬وبدأوا‮ ‬يولعوا في روحهم،‮ ‬أو‮ ‬يقتلوا عيالهم من الفقر وقلة الحيلة،‮ ‬ولما الأمور توصل للدرجة دي،‮ ‬ونسمع أن فيه مسئولين عندهم مليارات الدولارات،‮ ‬يبقي كلنا لازم نقول لأ للفساد‮! ‬الحكاية مافيهاش مؤامرة خارجية ولا داخلية دي الحكاية كانت مهلبية ع الآخر‮«!‬ الوفد