قصيدة بعنوان " خليك حضارى "
للشاعر / ياسر فؤاد
خليك حضارى
لو منعوا صوتك مالكلام
خليك حضارى
لو وقفوا ضدك عالدوام
خليك حضارى
لو قالوا غضبك مش نظام
خليك حضارى
لو فرقوا كل اعتصام
خليك حضارى
* * *
لو قتلوا فيك بكره اللى جاى
خليك حضارى
لو قالوا حُكمه داماله زي
خليك حضارى
لو طفوا فيها كل ضى
خليك حضارى
لو دبحوا فيها كل حى
خليك حضارى
* * *
لو عمر عدى وماله لازمه
خليك حضارى
لو قالوا رأيك برضه أزمة
خليك حضارى
لو ضربوا ابوك فيوم بجزمة
خليك حضارى
لو قالوا انتوا ماليكوا لازمة
خليك حضارى
* * *
لو جم فيوم وجرجروك
خليك حضارى
لو حتى ياما هايسحلوك
خليك حضارى
فى أوضه ضلمه فيوم رموك
خليك حضارى
فكل حته يكهربوك
خليك حضارى
* * *
لو عاشوا ياكلوا فيك سنين
خليك حضارى
لو قلت حقى وقالوا فين ؟
خليك حضارى
لو شفت شعب فيوم حزين
خليك حضارى
لو قلت اااااااااه وقالوا مين ؟
خليك حضارى
* * *
لو باعوا يوم وطنك لحد
خليك حضارى
لو قالوا أمك أى حد
خليك حضارى
لو عيشت فيها غريب بجد
خليك حضارى
وان كنت ناوى تقوم . . لابد
خليك حضارى
وابقى قابلنى
إن كنت ناوى
تكون حضارى
ولو انت كمان عندك موهبة وعاوز الناس تعرفك ابعت لنا واحنا هنزلهالك هنا بأسمك وصورة ليك
راسلنا عبر البريد
sharek_ma3ana@ymail.com
او ادخل على الصفحة هنا
سلمت يداك يا فنان يا جميل
ردحذفالله الله عليك