انا المواطن مصرى

الراسل : وديع حكيم
أنا المواطن مصريى أنا المظلوم فى عصرى عايش ذل وهوان والعشة الصفيح دى قصرى ولسة ما أنش الأوان على فرحتى ونصرى همومى ما تنعد وبحر الأمل فية سد وعمر الأيد النظيفة والنفس العفيفة على الحرام تدمد خايف وعندى أسباب وشايف بعينى خراب وقالو حرية وظنى فيها خاب ما هو كان زميل لية وبعد المظاهرة غاب انا ماشى جنب الحيط وخايف وعلى زرعتى فى الغيط خايف عطشانة ومافيش مية خايف من قاطع طريق وخايف من غدر صديق وخايف من شرطة وكمين خايف من الناس كلها مع انها بتصلى وتقول امين خايف وانا فى بلد الرجايف خايف أشرب خايف أكل خايف أتنفس سموم خايف أقول اة ودان الناس ماتسمعش خايف أشتكى حالى دعوتى تسقط متنفعش خايف أهرب فى مركب امل جثتى تغرق ماترجعش مافضلش منى غير الأة بين الضلوع حزين على بلدى وأبكى عليها بالدموع مافيش ياناس غير الأة والصرخة يمكن تصحى الضماير من القبور ويغور كل ظالم وفاسد وكل من كتم الصدور انا المواطن مصرى انا المظلوم فى عصرى عايش مستنى يوم فرحتى بنصرى دول وبلاد ماكنتش وأصبحت عظمة وأحنا أللى كنا بقينا مفيش لية يموت الشعب والطاغى يعيش و لية كل شى حلو فى بلدنا مافيش لا حرية ولا عدل ولا نصرة ضعيف ولا بيت يتاوى العرايا ولا لقمة رغيف انا المواطن مصرى انا المظلوم فى عصرى أنا المظلوم فى عصرى ...........